नेपालमा वितेको २४ घण्टामा कोरोना भाइरसको सङ्क्रमणबाट २५ जनाले ज्यान गुमाएका छन् । आज कोरोना सङ्क्रमणमुक्त हुनेभन्दा नयाँ सङ्क्रमितको सङ्ख्या झण्डै दोब्बर रहेको छ ।
स्वास्थ्य तथा जनसंख्या मन्त्रालयले मङ्गलबार अपरान्ह सार्वजनिक गरेको विवरणअनुसार देशभर १३ हजार १३५ जनाको नमूना परीक्षण गर्दा ३ हजार १०८ जनामा सङ्क्रमण देखिएको छ । त्यही अवधिमा १ हजार ५९५ जना सङ्क्रमण मुक्त भएका छन् ।
अहिलेसम्म सङ्क्रमणमुक्त हुनेको सङ्ख्या ६ लाख ३४ हजार ९२७ पुगेको छ । यो कुल सङ्क्रमितको ९४ दशमलव ६३ प्रतिशत हो । कोरोनाबाट ज्यान गुमाउनेको सङ्ख्या ९ हजार ६०७ पुगेको मन्त्रालयले सार्वजनिक गरेको विवरणमा उल्लेख छ ।