नेपाली कांग्रेसका वरिष्ठ नेता रामचन्द्र पौडेल पक्षले सरकारमा सहभागी हुन ठुलो मन्त्रालय माग गरेको छ।

स्रोतका अनुसार पौडेल समूहले उपप्रधानमन्त्री पाउनुपर्ने दावी गरेको छ ।

सोमबार भएको पौडेल पक्षको बैठकमा नेताहरुले पार्टीभित्रको शक्ति सन्तुलनका लागि उपप्रधानमन्त्री आफ्नो समूहले पाउनुपर्ने धारणा राखेका थिए ।

‘एकातिर गठबन्धन सरकार छ, त्यसलाई पनि सन्तुलनमा राख्न आवश्यक छ,’ बैठकमा सहभागी एक नेताले भने, पार्टीभित्र पनि सन्तुलन कायम राख्न प्रधानमन्त्रीपछिको दोस्रो पद हाम्रो समूहले पाउनुपर्छ भन्ने धारणा सबैको थियो ।’

स्रोतका अनुसार क्रियाशील सदस्यता छानविनका बारेमा पनि नेताहरुबीच छलफल भएको थियो । सदस्यता छानविन समितिमा रहेका केन्द्रीय सदस्य प्रदीप पौडेलले अहिलेसम्म भएको कामका बारेमा नेताहरुलाई जानकारी गराएका थिए ।