कञ्चनपुरमा एक जनाको शव फेला परेको छ।
जिल्लाको बेदकोट नगरपालिका–४ शिव लिङ्गेश्वरमा एक बाबाको शव फेला परेको जिल्ला प्रहरी कार्यालय कञ्चनपुरले जनाएको छ।
प्रसिद्ध धार्मिक तथा पर्यटकीयस्थल लिङ्गेश्वर धाममा बस्ने ७५ वर्षीय बाबा किसन नाथ आज बिहान मृत अवस्थामा भेटिएको प्रहरी नायव उपरीक्षक सिद्धराज न्यौपानले केटिएम दैनिकलाई बताए। उनी सोही क्षेत्रमा रहेको आश्रममै बस्दै आएका थिए।
स्थानीयले उनको हत्या भएको आशंका गरेका छन्। घटना स्थलमा प्रहरी टोली पुगेर अनुसन्धान गरिरहेको प्रहरी नायव उपरीक्षक न्यौपानले बताए। ‘अहिले घटनाबारे अनुसन्धान भइरहेको छ। अनुसन्धानपछि मात्रै मृत्युको कारण खुल्ने छ’ उनले केटिएम दैनिकसँग भने।