पाकिस्तान सरकारले प्रतिबन्धित दक्षिणपन्थी इस्लामिक दल तेहरिक इ लब्बाइक पाकिस्तान (टीएल्पी) सँग सहमति वार्ता गरेपछि पञ्जाब प्रहरी असन्तुष्ट बनेको छ ।
पाकिस्तान सरकारले प्रतिबन्धित टीएल्पी दलसँग वार्ता गरेपछि पञ्जाब प्रहरी असन्तुष्ट बनेको हो । पाकिस्तानमा टीएल्पी कार्यकर्ताहरुको हिंसात्मक प्रदर्शनमा छ जना प्रहरीको ज्यान गएको थियो भने आठ सय भन्दा बढी प्रहरी घाइते भएका थिए ।
टीएल्पी नेता साद हुसेन रिज्भी पक्राउ परेको बिरोधमा कार्यकर्ताहरु हिंसात्मक प्रदर्शनमा उत्रिएका थिए । पञ्जाब प्रान्तमा प्रदर्शनकारीले प्रहरीको सवारी तथा भवनमा आक्रमण गरेको थियो भने प्रहरीहरुलाई बन्दी बनाएको थियो ।
पाकिस्तान सरकारले पक्राउ परेका प्रदर्शनकारीहरु रिहा गर्ने सहमति गरेपछि प्रहरी बल असन्तुष्ट बनेको हो । सरकारको यस्तो निर्णयले प्रहरी बललाई निरुत्साहन गरेको पञ्जाब प्रहरी बलले बताएको छ ।
स्रोत अल अरबिया पोष्ट
