सत्तारुढ नेपाली कांग्रेसको पदाधिकारी बैठक आज २:०० बजे प्रधानमन्त्री निवास बालुवाटारमा बस्दै छ । यसअघि प्राय: बूढानीलकण्ठमा बस्ने बैठक आज प्रधानमन्त्री देउवा १०:०० बजे बालुवाटारमा सर्नु भएकाले बैठकस्थल पनि बालुवाटार ताेकिएकाे छ ।
पदाधिकारी बैठकमा १४ ओैं महाधिवेशन, मन्त्रिपरिषद् विस्तार,विश्वासकाे मत, नेकपा( एमाले) माधव पक्षलाई सरकारमा समावेश गराउने लगायतका विषयमा छलफल हुनेछ । त्यस्तै क्रियाशील सदस्यता छानविन समितिले गरिरहेको काम र तयार पारेको प्रतिवेनमाथि बैठकमा छलफल हुनेछ ।
समितिमा विवाद भएपछि नयाँ क्रियाशिल सदस्यता वितरण अझै टुंगिन सकेकाे छैन। सदस्यता विवाद नटुंगिदा साउन १२ गतेदेखि हुने भनिएकाे वडा अधिवेशन प्रभावित हुने तत्काल एक महिना र बढीमा मंसिरसम्म महाधिवेशन सर्न सक्ने सम्भावना बढेकाे छ।