दुग्ध विकास संस्थान डिडिसीअन्तर्गतको विराटनगर दग्ध वितरण आयोजनाले किसानलाई चैतसम्मको मात्र भुक्तानी गरेको छ ।
किसानलाई भुक्तानी गर्नकै लागि भनेर सरकारले सहुलियत ऋण पाएपछि डिडिसीअन्तर्गतको आयोजनाले किसानलाई चैत १५ गतेसम्मको साढे चार करोड रकम उपलब्ध गराएको हो । सरकारले ५ प्रतिशत ब्याजमा १० वर्षका वार्षिक दुई–दुई करोडको दरले तिर्ने शर्तमा डिडिसीलाई असारको तेस्रो साता २० करोड रुपैयाँ ऋण दिएको थियो ।
अझै साढे चार करोड रुपैयाँ किसानको बक्यौता रकम भुक्तानी गर्न बाँकी रहेको आयोजनाका प्रमुख गणेश यादवले बताए । अघिल्लो साता किसानलाई भुक्तानी गरिएको जनाउँदै उनले बाँकी रकम चाँडै नै उपलब्ध गराइने जानकारी दिए ।
सामान बिक्री नभएपनि सरकारबाट पाएको रकम भुक्तानी गरिएको उनको भनाइ छ । अब, प्रदेश १ र २ का समेत गरी ७ हजार किसानलाई चैतको आधा महिनाको र बैशाख, जेठ र असार महिनाको गरेर साढे चार करोड रुपैयाँ भुक्तानी गर्न बाँकी छ ।
सरकारबाट ऋण पाएपछि डिडिसी ढुक्क, किसानलाई भुक्तानी गर्ने तयारी
किसानलाई भुक्तानी गर्नकै लागि भनेर सरकारले सहुलियत ऋण पाएपछि दुग्ध विकास...
आइतबार, असार २० २०७८दुग्धजन्य सामग्री बेचेर ऋण तिर्ने शर्तमा सरकारबाट ऋण लिएको भएपनि बजारमा दुग्ध पदार्थको खपत घटेपछि सामान गोदाममै थन्किएको यादवको गुनासो छ ।
उत्पादित दुग्धजन्य पदार्थ गोदाममै थन्क्याउनु परेको बताउँदै प्रमुख यादवले दुग्ध सङ्कलन केन्द्रहरूबाट दैनिक सङ्कलित दूध प्रशोधन गरी दूध, घ्यू, दही, पाउडर दूध, पनिर, चिज, मख्खन लगायत बनाएर बिक्री गर्दै आएको बताए ।
आयोजनाले दैनिक २६ हजारदेखि ३० हजार लिटर दूध सङ्कलन गर्छ । त्यसमध्ये झन्डै २० हजार लिटर दूध इलामबाट मात्रै आउने गरेको छ ।
डिडिसीबाट दुग्धजन्य पदार्थ बिक्री नहुँदा, किसानले पाउन सकेनन् भुक्तानी
सुनसरीको इटहरी उपमहानगरपालिकामा रहेको इटहरी दुग्ध उत्पादक सहकारीले दैनिक १६...
बिहीबार, असार १७ २०७८यसबाहेक सप्तरीबाट तीन हजार लिटर तथा धनकुटा, तेह्रथुम, झापा, मोरङ, सुनसरीका किसानले पनि संस्थान मातहतकै दुग्ध वितरण आयोजनालाई दूध बेच्ने गरेका छन् ।
