नेपालमा कोरोना भाइरसबाट सङ्क्रमित हुने व्यक्तिको सङ्ख्या ७ लाख नाघेको छ ।
स्वास्थ्य तथा जनसंख्या मन्त्रालयले सोमबार सार्वजनिक गरेको विवरणअनुसार अहिलेसमम्म पिसिआर विधिबाट ६ लाख ५७ हजार १३९ र एण्टिजेन विधिबाट ४४ हजार ३१९ सङ्क्रमित भेटिएसँगै नेपालमा कोरोना सङ्क्रमितको सङ्ख्या ७ लाख १ हजार ४५८ पुगेको हो ।
कूल सङ्क्रमितमध्ये ९४ दशमलव ५० प्रतिशत अर्थात ६ लाख २१ हजार २७ जना निको भएका छन् । आज १ हजार १३३ जना निको भएको मन्त्रालयले सार्वजनिक गरेको विवरणमा उल्लेख छ ।
वितेको २४ घण्टामा देशका विभिन्न जिल्लामा ११ हजार ५८४ जनाको परीक्षण गर्दा २ हजार ३७० जनामा सङ्क्रमण पाइएको छ । आज ७ हजार ६८९ पिसिआर परीक्षणबाट १ हजार ६९० र ३ हजार ८९५ एण्टिजेन परीक्षणबाट ६८० जनामा सङ्क्रमण पाइएको हो ।
आज थप १८ जनाको निधन भएसँगै कोरोना सङ्क्रमणबाट ज्यान गुमाउनेको सङ्ख्या ९ हजार ४०० पुगेको छ ।
