जिल्ला प्रशासन कार्यालय सुर्खेतले निषेधाज्ञाको अवधि असार ३१ गते मध्यरातसम्म बढाएको छ ।
प्रमुख जिल्ला अधिकारी छविलाल रिजालले आज एक सूचना जारी गर्दै असार २५ गतेसम्म कायम भएको निषेधाज्ञाको अवधि असार ३१ गतेसम्म थपिएको जनाएका छन् ।
थप गरिएको निषेधाज्ञामा औषधि तथा पेट्रोल पम्पहरु २४ सै घण्टा खुल्ला हुनेछन् भने तरकारी, फलफूल तथा दुधजन्य पदार्थका पसलहरु दैनिक बिहान ६ बजेदेखि बेलुका ६ बजेसम्म खोल्न पाइनेछ । त्यस्तै खाद्यान्न लगायतका अन्य पसलहरु पनि बिहान ६ देखि बेलुका ६ सम्म खोल्न पाइनेछ ।
होटल तथा रेष्टुराँको हकमा कुल क्षमताको ५० प्रतिशत नबढ्ने गरी खोल्न पाइनेछ ।
सूचना