सर्वोच्च अदालतले मन्त्रिपरिषद् विस्तारलाई बदर गरेपछि जनता समाजवादी पार्टी (जसपा)का संघीय परिषद् अध्यक्ष डा. बाबुराम भट्टराईले नेपाली राजनीतिको रोचक परिदृश्य बन्ने बताएका छन् । उनले ट्वीट गर्दै यस्तो उल्लेख गरेका हुन् ।
‘संविधानका निर्मातामध्ये नै संविधानको शब्द/भावना विपरित गएर स्वेच्छाचारी ढंगले मन्त्री बनाउने/बन्ने लज्जास्पद हर्कत गर्नु र संविधानको व्याख्याता सर्वोच्च अदालतले त्यसलाई उल्ट्याउनु नेपाली राजनीतिको रोचक परिदृश्य बन्ने नै भयो । क्षणिक निजी स्वार्थनिम्ति लम्पट बन्नेहरूको आँखा खुलोस् !’
भट्टराईकै पार्टी जसपाबाट महन्थ ठाकुर समूहबाट सरकारमा मन्त्री भएका थिए ।