ब्राजिलमा जारी ४७औँ संस्करणको दक्षिण अमेरिकन फुटबल प्रतियोगिता कोपा अमेरिका खेल्न आएका चिलीका सात खेलाडी वेश्यालयमा भेटिएका छन् । चिलीका स्टार खेलाडी अर्टुरो भिडालसहित सात खेलाडी वेश्यालयमा भेटिएको अन्तर्राष्ट्रिय मिडियाले जनाएका छन् ।
इन्टर मिलानका स्टार भिडाल, बोलोग्नाका गेरी मेडलसहित पाब्लो एरेन्जिस, इडुआर्डो भर्गस, जिन मेनेस, पाब्लो ग्लाडमेज र गुइलेर्मो मारिपन ब्राजिलको ग्रान होडल ओडारामा सेक्स पार्टीमा रमाएको बताइएको छ ।
प्रशिक्षक मार्टिन लासामेर्टेले थाहा पाएपछि उनीहरूलाई शनिबार र आइतबारको प्रशिक्षणमा समेत सहभागी गराइएको थिएन । कोरोना महामारीको समयमा स्वास्थ्य सुरक्षा मापदण्ड पालना नगरेको तथा अनैतिक कार्य गरेको आरोपमा चिलियन फुटबल टिमले अनुसन्धान थालेको जनाइएको छ ।
उक्त टोलीले अर्जेन्टिनासँग १–१ गोलको बराबरी तथा बोलिभियासँग १–० गोलको हार ब्यहोरेको थियो । अब मङ्गलबार बिहान चिलीले उरुग्वेसँग खेल्दै छ ।