वितेको २४ घण्टामा काठमाडौं उपत्यकामा भेटिएका सङ्क्रमितको सङ्ख्या ४ सय भन्दा कम रहेको छ ।
स्वास्थ्य तथा जनसंख्या मन्त्रालयका सोमबार अपरान्ह सार्वजनिक गरेको विवरणअनुसार आज देशभर भेटिएका २ हजार २९७ सङ्क्रमितमध्ये काठमाडौं उपत्यकामा भेटिएका सङ्क्रमितको सङ्ख्या ३७९ रहेको छ ।
आज काठमाडौंमा २८५, भक्तपुरमा ३३ र ललितपुरमा ६१ जनामा कोरोना भाइरसको सङ्क्रमण पुस्टि भएको हो ।
सक्रिय सङ्क्रमित १० हजार
केही समयअगाडी ४५ हजारभन्दा माथि रहेको काठमाडौं उपत्यकाको सक्रिय सङ्क्रमितको सङ्ख्या अहिले १० हजारमा झरेको छ । मन्त्रालयका अनुसार अहिले काठमाडौं उपत्यकामा १० हजार २१२ सक्रिय सङ्क्रमित रहेका छन् । यो सङ्ख्या कोरोना सङ्क्रमण भएर होम आइसोलेसन (एकान्तवास) बसेका वा उपचारको लागि अस्पतालमा रहेका बिरामीहरुको सङ्ख्या हो ।
मन्त्रालयले सार्वजनिक गरेको पछिल्लो विवरणअनुसार अहिले काठमाडौंमा ५ हजार ५११, भक्तपुरमा २ हजार २२ र ललितपुरमा २ हजार ६७९ सक्रिय सङ्क्रमित छन् ।
अहिलेसम्म ललितपुरमा ५२९, भक्तपुरमा ३५८ र काठमाडौंमा १ हजार ८२८ गरी कूल २ हजार ७१५ जनाको यही भारइसको कारण निधन भैसकेको छ ।