अहिले कोरोना कहरले पर्यटन क्षेत्रलाई अस्तव्यस्त बनाउदा लाखौं मानिसहरु प्रभावित भएका छन्।
पर्यटन क्षेत्रमा रहेर काम गर्ने श्रमिकहरुको दैनिकीलाई सहज बनाउनको लागि ट्रेकिङ्ग एजेन्सिज एसोसिएसन नेपाल (टान) ले फुड बैंकको स्थापना गरेको छ ।
तर पछिल्लो समयमा फ्रिलाइन्सर श्रमिकहरु लाई टान फुड बैंकको खाद्य सामाग्रीबाट वञ्चित गराउने कार्य भएको भन्दै संयुक्त पर्यटन ट्रेड युनियन फोरम (जोटुफ) र आवद्ध क्रियासिल ट्रेड युनियनहरु घोर आपत्ति तथा खेद प्रकट गरेका छन् ।
टान फुड बैँकको खाद्य सामाग्री वितरण गर्दा सुरुवाती दिनहरुमा सबैलाई समेट्दै आइएकोमा असार ३ गतेदेखि टानले सूचना टाँस गरेर टानको सदस्य कम्पनिको सिफारिस माग गरेसँगै ट्रेड युनियनहरुले आपत्ति जनाएका हुन् । यसअगाडी जेठ २७ गते भएको बैठकले पर्यटन श्रमिकहरुको ट्रेकिङ्ग गाइडको लाइसेन्स, ट्रेकिङ्ग कम्पनीले जारी गरेको परिचयपत्र वा अन्य कुनै पनि मध्यमबाट पर्यटन श्रमिकको परिचय खुल्ने परिचयपत्रका आधारमा खाद्य सामाग्री पाइने निर्णय गरेको थियो ।
टानमा नविकरण नभएका कम्पनिहरुले सिफारिस गरेका र फ्रिलाइन्सर श्रमिकहरु लाई टान फुड बैंकको खाद्य सामाग्रीबाट वञ्चित गराउने टानको रणनिति प्रति जोटुफ र आवद्ध क्रियासिल ट्रेड युनियनहरु घोर आपत्ति तथा खेद प्रकट गर्दै जेठ २७ को निर्णय लागु गर्न माग गर्दै प्रेस विज्ञप्ती निकालेको जोटुफका सचिव प्रयासले बताएका छन ।
