लमजुङमा रोपाईं गरेर घर फर्कने क्रममा खोलामा आएको बाढीमा परी अलपत्र परेकाहरुलाई सकुशल उद्धार गरिएको छ । बाढीका कारण रातभर खोलामै फसेका मध्यनेपाल नगरपालिका वडा नम्बर ७ रातमाटाका ९ जना स्थानीयलाई उद्धार गरिएको हो ।

मंगलबार खेत रोपाइँ गर्न गएका उनीहरू मिदिम खोलामा बाढी आएपछि रातभर खोलाको बीचमै रोकिएको र बुधबार बिहान उद्धार गरिएको मेयर रमेश पाण्डेले सामाजिक सञ्जालमार्फत् जानकारी दिएका छन् ।

बिहान मिदिम खोलालाई डोजर लगाएर भँगालोहरुमा पानी कटाई सोही डोजरको बकेटमा राखेर उद्धार गरिएको थियो । खोलाको बीच भागमा फसेका उनीहरूको उद्धारका लागि हेलिकप्टरलाई बोलाइए पनि खराब मौसमले जान सकेको थिएन।

मेयर पाण्डेका अनुसार आज बिहान मिदिम खोलालाई डोजर लगाएर विभिन्न भंगालोमा पानी पठाएर स्थानीयलाई उद्धार गरिएको हो।

हेरौं भिडि‌‌‍‌ओ