सिन्धुपाल्चोकको हेलम्बु गाउँपालिकाकाे बजारमा बाढी पसेको छ ।
बाढीका कारण तिम्बुमा रहेकाे शसस्त्र प्रहरीको ब्यारेक पनि बगाएको छ ।
यस्तै तिम्बु बजार बगरमा परिणत भएको भने केही स्थानीय बेपत्ता भएको स्थानीय पत्रकार केशव राज पौडेलले जनाएका छन् ।
थप अपडेट
बाढीले मेलम्ची बजारका घरहरु पुरिए (तस्वीरहरू)
मंगलबारदेखि भएको अविरल बर्षाका कारण मेलम्ची बजार डुवानमा परेको छ ।
बाढीपछि जमेका बालुवायुक्त माटोले घरका दोस्रो तलासम्म ढाकेको छ । बाढीले जिल्लाभर १० भन्दा बढी मानिस सम्पर्कविहीन भएको प्रहरीले जनाएको छ ।
जिल्ला प्रहरी कार्यालय सिन्धुपाल्चोकका डिएसपी प्रकाश सापकोटाका अनुसार हेलम्बुमा रहेको प्रहरी कार्यालय भवनसम्म बाढी पसेको छ ।
मेलम्चीका सडकहरू बगाएको छ भने मेलम्ची आयोजनाको काम गर्नेहरू बस्ने चाईनिज क्याम्पमा समेत बाढी पसेको छ ।
अम्बाथानको सशस्त्र क्याम्प पनि जोखिममा रहेको डिएसपी सापकोटाले जानकारी दिए । मेलम्चीको आमा ह्योल्मो बसपार्क समेत बाढीले बगाएको छ ।
