सुशान्त सिंह राजपुतको निधनपछि बलिउडमा तहल्का नै मच्चिएको छ । बलिउड कलाकारहरुले ड्र ग्स सेवन गरेर देहत्याग गरेको खबर बाहिरिए पछि बलिउड कलाकारहरुको पनि कर्तुत बाहिर निस्केको थियो । चर्चित दुई दर्जन भन्दा बढी कलाकार प्रहरीको फन्दामा पनि परेका थिए ।
अहिले फेरि अर्को खबर बाहिरिएको छ । मुम्बईमा एक बलिउड अभिनेत्रीले आफ्नो जन्मदिनमा ड्रग्स पार्टीको आयोजना गरेको भारतीय सञ्चारमाध्यमहरुले बताएका छन् ।
पार्टी उत्कर्षमा पुगेका बेला प्रहरीलाई कसैले गोप्य तरिकाले यसबारे जानकारी दिएपछि प्रहरीको समूहले यसैको आधारमा अबेर रात होटलमा छापा मार्यो । प्रहरीको छापामा अभिनेत्री र उनका साथीलाई पक्राउ गरेको छ । अभिनेत्रीको पहिचान नाइरा नेहल शाहको रुपमा भएको छ ।
घटना मुम्बईको सान्ताक्रुज प्रहरी थाना इलाकाको हो । जहाँ एक पाँचतारे होटलमा बलिउड अभिनेत्री नेहल शाह आफ्नो जन्मदिन मनाइरहेकी थिइन् । उनी ड्रग्ससहित पार्टी गरिरहेकी थिइन् । प्रहरीले आइतबार–सोमबारको राती होटलमा छापा मारेर यसबारे खुलासा गरेको हो ।
भारतीय सञ्चार माध्यमका अनुसार एक प्रहरी अधिकारीले दिएको जानकारी अनुसार अघिल्लो रात करिब ३ बजे एक पाँचतारे होटलमा छापा मारिएको थियो । त्यहाँ बलिउडमा साना भूमिका निभाउने अभिनेत्री र उनका साथीहरुलाई ड्र ग्स सेवन गर्दै गरेको अवस्थामा रंगेहात पक्राउ गरिएको छ । सान्ताक्रुज प्रहरीले यसका लागि मु द्दा दर्ता गरेको छ ।
