नेपाल कम्युनिस्ट पाटी एमाले सुदूरपश्चिम प्रदेश संसदीय दलले ओली समूहका सात प्रदेशसभा सदस्यलाई निलम्बन गर्ने निर्णय गरेको छ ।
एमाले सुदूरपश्चिम संसदीय दलको कार्यलयमा सोमबार बसेको बैठकले पार्टीको ह्विप उल्लंघन गरेको भन्दै केपी शर्मा ओली पक्षका सातजनालाई निलम्बन गरेको हो ।
माधवकुमार नेपाल समूहको बहुमत भएको संसदीय दलले मुख्यमन्त्री त्रिलोचन भट्टलाई विश्वासको मत दिन ह्विप नै जारी गरेको थियो । यस्तै, प्रदेश सरकारले ल्याएको नीति तथा कार्यक्रममा पनि संसदीय दललले ह्विप जारी गरेको थियो । तर, ओली पक्षका सांसद हरुलाई दुवै निर्णयको विपक्षमा उभिएका थिए ।
दलको बैठकले उनीहरुमध्ये केहीलाई सात र केहीलाई १० दिनका लागि निलम्बन गर्ने निर्णय गरेको प्रमुख सचेतक दुर्गा विकले केटिएम दैनिकलाई बताइन् ।
‘पूर्व माओवादीलाई काखी च्याप्दा’ सुदूरपश्चिममा कमजोर बन्यो ओली पक्ष
नेकपा एमालेका प्राय सबै कमिटीमा संस्थापन पक्षको दबदबा छ । अल्पमतमा...
बुधवार, जेठ २६ २०७८सुदूरपश्चिममा ओली पक्षका लीलाधर भट्ट, नेपालु चौधरी, रतन थापा, पठानसिंह बोहरा, ग्याल्बु बोहरा, माया तामाङ र बलदेव रेग्मीले विपक्षमा मत दिएपछि दलका नेता प्रकाशबहादुर शाहले स्पष्टीकरण सोधेका थिए । संसदीय दलको बैठकमा ओली पक्षका प्रदेशसभा सदस्य पनि सहभागी थिए ।
५२ प्रदेशसभा रहेको सुदूरपश्चिम प्रदेशमा सभामुख बाहेक ५१ जनाले मुख्यमन्त्रीलाई विश्वासको मतको लागि मतदान गरेका थिए । पक्षमा हुन्छ भन्नेमा ३० जनाको मत खसेको थियो भने हुन्न भन्नेमा ९ जनाको मत खसेको छ । जसमा ७ जना एमालेको ओली पक्षको र २ जना जसपाका सासंदहरु थिए । तीनै ७ जनालाई अहिले निलम्बन गरिएको हो । त्यस्तै १२ जना मतदानमा सहभागी भएका थिएनन् । नेपाली काँग्रेसका १२ जना सासंदहरु मतदानमा सहभागी नभएका हुन् ।