कोरोना महामारी नियन्त्रण गर्न फ्रन्टलाइनमा खट्दा ज्यान गुमाएका व्यक्तिहरुको सम्झनामा आज काठमाडौंको रत्नपार्कमा रहेको आकाशे पुलमुनि मैनवत्ती बालिएको छ ।
परिवारका सदस्यहरुको सहभागितामा सोमबार साँझ ६ बजे त्यहाँ मैनबत्ति बालेर ज्यान गुमाएका व्यक्तिहरुको सम्मान गरिएको हो ।
कोरोना महामारीमा खटिने व्यक्तिहरुलाई थप हौसला मिलोस् भनेर रत्नपार्कको आकाशेपुलमुनीको भित्तामा सडक कला समेत बनाइएको छ । आकाशेपुलमुनीको भित्तामा सूर्य र चन्द्रमासँगै कोरोना महामारी नियन्त्रणको लागि अग्रपंक्तिमा (फ्रन्टलाइन ) मा खट्ने नेपाली सेना, नेपाल प्रहरी, ट्राफिक प्रहरी, नर्स, चिकित्सक, एम्बुलेन्स चालक, फोटो पत्रकारअरुको आकृति समेटेर कला बनाइएको हो ।
कलाकारहरू साङ्गे थिमे लामा,कृपा शेर्पा, सुम्निमा श्रेष्ठ र राजेश महर्जनले उक्त कला बनाउन योगदान दिएका छन् भने यस कामको नेतृत्व दुजांग शेर्पाले लिएका हुन् ।
हेरौं केही तस्विरहरू