नेपाल विद्यार्थीले संघले फरक शैलीको विरोध अपनाएको छ ।
नेविसंघको संयोजनमा आज काठमाडौँको सिनामंगलमा एक साङ्केतिक कुर्सीलाई प्रधानमन्त्रीको कुर्सी भन्दै सडकमा फ्याँकिएको छ । “वर्तमान सरकार र सरकारका मन्त्रीहरू जनता, राष्ट्रप्रति पूर्ण गैर जिम्मेवार भएका कारण सरकारको कुर्सी सडकबाटै फाल्ने चेतावनी स्वरूप हामीले सडकमा कुर्सी फालेका हौँ ।” विद्यार्थी नेता ईन्जिनियर भुवन भट्टले केटिएम दैनिकलाई बताए ।
एक पुरानो कुर्सीमा उनीहरुले “जनता मार्ने तर कुर्सी नछोड्ने ओलीको कुर्सी, “नालाक सरकार मुर्दावाद” लगायतका पम्पलेट समेत टाँसेका थिए । पम्पलेट सहितको उक्त कुर्सीलाई सडकमा फ्याँकिएको हो । वर्तमान सरकारले जनताको जीवनको भन्दा कुर्सीको मोहमा लिप्त भएको भन्दै उनीहरूले कुर्सी सडकमा फालेका बताएका छन् । संघका नेताहरूलाई कुर्सी सडकमा फाल्ने क्रममा प्रहरीले धरपकड गरेको थियो ।