वितेको २४ घण्टामा काठमाडौं उपत्यकामा ६०७ जनामा कोरोना भाइरसको सङ्क्रमण भेटिएको छ ।
स्वास्थ्य तथा जनसंख्या मन्त्रालयले सोमबार अपरान्ह सार्वजनिक गरेको तथ्याङ्क अनुसार देशभर भेटिएका २ हजार ९१८ सङ्क्रमितमध्ये काठमाडौं उपत्यकामा रहेका तीन जिल्लामा भेटिएका सङ्क्रमितको संख्या ६०७ रहेको छ । आज काठमाडौंमा ३९६, भक्तपुरमा ६६ र ललतिपुमार १४५ जनामा सङ्क्रमण पुष्टि भएको हो ।
सक्रिय सङ्क्रमितको संख्या १४ हजार
काठमाडौं उपत्यकामा रहेका सक्रिय सङ्क्रमितको संख्या १४ हजारमा झरेको छ । सोमबार अपरान्हसम्म देशभर रहेका ६५ हजार ८०४ सक्रिय सङ्क्रमितमध्ये काठमाडौं उपत्यकामा १४ हजार ५८ सङ्क्रमित रहेका छन् ।
मन्त्रालयले सार्वजनिक गरेको विवरणअनुसार काठमाडौंमा ८ हजार १८२, भक्तपुरमा २ हजार ४३४ र ललतिपुरमा ३ हजार ४४२ जना सक्रिय सङ्क्रमित रहेका छन् । सक्रिय सङ्क्रमित भनेको कोरोना भाइरसको सङ्क्रमण भएर होम आइसोलेशन वा अस्पतालमा उपचार गराइरहेका व्यक्तिहरुको सङ्ख्या हो ।
२ हजार ६४५ जनाले ज्यान गुमाए
सोमबारसम्म काठमाडौं उपत्यकामा कोरोना भाइरसबाट ज्यान गुमाउनेको सङ्ख्या २ हजार ६४५ रहेको छ । अहिलेसम्म काठमाडौंमा १ हजार ७८०, भक्तपुरमा ३५१ र ललितपुरमा ५१४ जनाको कोरोना भाइरसको सङ्क्रमणकै कारण निधन भएको छ ।