सुनसरीको बराहक्षेत्र नगरपालिका–१ सूर्यकुण्डमा एक बिघामा लगाइएको स्ट्रबेरी बारीमै कुहिएको छ । स्थानीय अर्जुन कुलुङ राईसहित ६ जनाको एक समूहले सुनसरी जिल्लाकै विकट क्षेत्र सूर्यकुण्डमा लगाएको स्ट्रबेरीले निषेधाज्ञाका कारण बजार नपाउँदा बारीमै कुहिएको हो ।
दोस्रो लहरको कोरोना महामारीपछि स्थानीय प्रशासनले जारी गरेको निषेधाज्ञाका कारण उत्पादित स्ट्रबेरीले बजारको मुख देख्न नपाउँदा डेढ लाख रुपैयाँभन्दा बढीको क्षति भएको किसान अर्जुन कुलुङ राईले जानकारी दिएका छन् । उनका अनुसार निषेधाज्ञाकै कारण तीन वर्ष लामो स्ट्रबेरी खेतीमा किसानले सबैभन्दा ठूलो क्षति बेहोर्नु परेको छ ।
सुनसरीको चतरा बजारदेखि करिब १३ किलोमिटर उत्तरतर्फ रहेको सूर्यकुण्डका अर्जुन, ससन देवकोटा, तपेन्द्र राई, गङ्गाराम राई, भीमबहादुर राई, दीपक राई गरी पाँच जनाले तीन वर्षयता स्ट्रबेरी खेती गर्दै आएका छन् । ६ जनामध्ये ससन अमेरिकामा कृषिमा विद्यावारिधी (पिएचडी) गरेर नेपाल फर्किएका हुन् । ससनकै नेतृत्वमा उक्त टिमले सूर्यकुन्डमा स्ट्रबेरी खेती थालेको थियो ।
उनीहरूले स्थानीय साथीहरूको एक विघा जग्गा लिजमा लिएर १५ लाखको लगानी गरी स्ट्रबरी खेती गरेका थिए । पहिलो र दोस्रो सिजन उनीहरूले ठिकठाक आम्दानी गरेका थिए । तेस्रो सिजनमा राम्रो आम्दानीको अपेक्षा राखेका उनीहरूलाई कोरोना महामारीको दोस्रो लहरले नोक्सानी ब्यहोर्न बाध्य तुल्यायो ।
‘स्ट्रबेरी खेती सुरु गरेको पहिलो सिजन भने ठीकठाक थियो,’ अर्जुनले भने, ‘त्यो वर्ष ट्रायल खेती भएको थियो । दुई–तीन कठ्ठामा लगाइएको खेतीबाट अढाइ लाख जति आम्दानी भएको थियो । सोको विस्तार गरेर एक विघामा लगाउँदा पाँच लाख जति आम्दानी गरेका थियौँ । यसपटक त अझ राम्रो गर्ने अपेक्षा थियो तर निषेधाज्ञाले चौपट्ट बनायो ।’
आधाजति स्ट्रबेरी बारीमै कुहिएको बताउँदै अर्जुनले ६० किलो टिपेर वाइन बनाउन सफल भएको बताए । निषेधाज्ञाका कारण बजार नखुल्दा कामदारलाई पाल्न पनि हम्मे–हम्मे परेको उनले सुनाए । ‘बजार खुल्छ होला र बेचौँला भनेर पर्खिरह्यौँ’, उनले भने, ‘तर उत्पादित स्ट्रबेरी बजार पुर्याउन नपाउँदा बारीमै कुहियो, ६० केजी जतिको वाइन बनायौँ । डेढ लाख नोक्सानी हुँदा कामदारलाई जसोतसो टारियो । मेहनतका बाबजुत पनि आफ्नो हात भने खाली भयो ।’
युवाका लागि उदाहरण बन्दै सप्तरीका प्रकाश तिवारी
कोभिड—१९ महामारीले अहिले मानिसहरूको दैनिकी तथा श्रम अभ्यासमा ठुलो असर पारिरहेको...
मङ्गलवार, जेठ ११ २०७८उनीहरूले स्ट्रबेरी बिक्री गर्न सुनसरीको धरान उपमहानगरपालिका पुर्याउँथे । तर कोभिडका सङ्क्रमण रोकथामका लागि धरानमा निषेधाज्ञा जारी छ । जसकारण पसल खुल्न पाएका छैनन् । त्यसबाहेक त्यहाँ आउने आन्तरिक पर्यटकले पनि स्ट्रवेरीको माग गर्थे । विशेषगरी शनिबार त्यहाँ आन्तरिक पर्यटकको चहलपहल धेरै हुन्छ । घुम्न आउनेले स्ट्रबेरी माग गर्थे । तर निषेधाज्ञाकै कारण मानिसहरूको आवत–जावत पनि बन्द छ ।
होलसेलमा बेच्नुपर्दा प्रतिकिलो ६०० रुपैयाँमा बिक्री हुँदै आएको स्ट्रबेरी खुद्रा मूल्यमा बेच्नुपर्दा ६५० प्रतिकिलो बिक्री हुन्छ ।
बजार नपाउँदा डल्ले खोर्सानीबाट पनि नोक्सानी
अर्जुनले अरू दुई बिघाजतिमा डल्ले खोर्सानी र साग पनि लगाएका थिए । साग गाउँघरमा बाँड्दा पनि डल्ले खोर्सानीबाट नोक्सानी नै ब्यहोर्नुपरेको उनले सुनाए । उत्पादित वस्तु बजारसम्म पु¥याउन नपाउँदा डल्ले खोर्सानी पनि बारीमै कुहिएको उनले बताए ।
दूध बिक्री नहुँदा नोक्सानी ब्यहोर्दै आएको किसानको दुखेसो: गाउँमा बाँड्छु भन्दा पनि खाइदिँदैनन्
मोरङको सुन्दरहरैँचा नगरपालिका–६ गछियाका किसान ऋषिकेश निरौला उमेरले ६२ वर्ष पुगे...
बिहीबार, जेठ २० २०७८‘२ क्विन्टलजति डल्ले खोर्सानी पनि कुहिएरै सकियो’, उनले भने, ‘कोरोनाले जस्तै मौसमले पनि साथ दिएन । पानी परिरह्यो । टिपेर पनि कहाँ लैजाने ? यसैले टिप्न पनि सकिएन ।’ अर्जुनले यस वर्ष सबैभन्दा धेरै नोक्सानी ब्यहोरेको सुनाउँदै बीमा नगरेका कारण पूर्ण रूपमा क्षति ब्यहोर्नु परेको बताए । उनले स्थानीय सरकारबाट राहतको अपेक्षासमेत गरेका छन् ।
अर्जुन वैदेशिक रोजगारबाट फर्किएर कृषितिर लागेका हुन् । विदेशमा सोचेअनुरुप कमाउन नसकेपछि पूर्वी अफ्रिकन देश मौरिसयसको तीन वर्षे बसाइ बिट मार्दै नेपाल फर्किएका अर्जुनले तरकारी खेतीबाट कृषि पेशा थालेका हुन् । स्ट्रबेरीसम्म आइपुग्दा पनि सबैतिरबाट राम्रै आम्दानी भइरहेकोमा कोरोनाका कारण यसपालि सबैभन्दा धेरै घाटा भोग्नुपरेको उनले सुनाए ।
भिडिओ