विश्वकप तथा एसियन कप छनोटको समूह चरणको अन्तिम खेलमा नेपालले शुक्रबार (आज) बलियो टिम अस्ट्रेलियासँग खेल्दै छ । यो खेल कुवेत सिटीस्थित जाबेर अल अहमद अन्तर्राष्ट्रिय स्टेडियममा हुनेछ ।
नेपाली समयअनुसार राति ९:४५ बजे सुरु हुने यस खेलमा दुवै टोली एक–अर्कामाथि जित निकाल्ने लक्ष्यका साथ मैदान उत्रिनेछन् । अस्ट्रेलियासँगको खेलका लागि नेपालले सुरुवाती–११ को घोषणा गरेको छ ।
मुख्य प्रशिक्षक अब्दुल्लाह अलमुताईरीले नेपाली टोलीलाई ४–३–३ को रणनीतिमा मैदान उतारेका छन् । टोलीमा चार खेलाडी परिवर्तन भएका छन् ।
जोर्डनविरुद्ध सुरुवाती–११ मा रहेका रहेका अन्जन विष्ट, दिनेश राजवंशी, अभिषेक रिजाल र सन्तोष तामाङ बेन्चमा रहेका छन् । फरवार्ड नवयुग श्रेष्ठ, मिडफिल्डर विशाल राई, एरिक विष्ट र डिफेन्डर गौतम श्रेष्ठ सुरुवाती–११ मा रहेका छन् ।
नेपाली टिम –
गोलकिपर– किरण चेम्जोङ
डिफेन्डर – रोहित चन्द, अनन्त तामाङ, गौतम श्रेष्ठ, सुमन अर्याल
मिडफिल्डर – पुजन उपरकोटी, एरिक विष्ट, विशाल राई
फरवार्ड – नवयुग श्रेष्ठ , सुमन लामा, सुनिल बल