प्रधानमन्त्रीको सरकारी निवास बालुवाटारअगाडी प्रदर्शन गर्न पुगेका वृहत् नागरिक आन्दोलनका अगुवाहरुलाई प्रहरीले भाटभटेनीबाटै गिरफ्तार गरेको छ । सरकारी अस्पतालहरुको गुणस्तर सुधार गर्नुको साटो सरकारले निजी मेडिकल कलेजलाई सम्बन्ध दिएको विरोधमा उनीहरुले प्रदर्शन गरेका थिए ।

नागरिक अगुवाहरुले कानुन मिचेर झापाको वि एण्ड सी मेडिकल कलेजलाई सरकारले सम्बन्ध दिने तयारी गरेको भन्दै विरोध गरेका छन् ।

प्रदर्शनका क्रममा स्वास्थ्य सेवा हो, व्यापार होइन, जनस्वास्थ्यमा प्रतिगमन भयो जस्ता प्लेकार्डहरु प्रदर्शन गरिएको थियो । प्रदर्शनमा उत्रिएका पत्रकार नारायण वाग्ले, सञ्जिव उप्रेती खगेन्द्र सँग्रौला, घिमिरे युवराज सहित ८ जनालाई बालुवाटारबाट प्रहरीले पक्राउ गरेको छ । उनीहरुलाई भृकुटीमण्डपस्थित नेपाल पुलिस क्लबमा लगिएको छ ।

हेरौं तस्विरहरु