‘सिङ्गो गाउँमा बिरामी हामी मात्र होइन, फरक यत्ति हो की हामीले चेक गरायौँ । आश्चर्यको कुरा बिरामी भएकाहरू पनि मलाई त ज्वरो मात्रै आएको हो भन्दै फुर्तिला साथ घुमिरहेका छन् ।’ सप्तरीका एक सञ्चारकर्मीले सामाजिक सञ्जालमा लेखेको स्ट्याटस हो यो ।
सप्तकोशी नगरपालिका–१ फत्तेपुरका दिनेश शर्माले लेखेको यो स्ट्याटसले ती गाउँका कोभिड–१९ जस्तो लक्षण देखिएका बिरामीहरू पनि खुलेआम घुमिरहेको स्पष्ट हुन्छ । तर, सम्बन्धित निकायले भने सो विषयमा चासो नराखेको उनको गुनासो छ । सोही कारणले सरकारी रेकर्डमा कोरोना पोजेटिभको संस्था घट्दो दरमा रहेको उनले आरोप समेत लगाएका हुन् ।
उनले लेखेका छन्, ‘ज्वरो आएपछि हामीले चेक गरायौँ, कोरोना देखियो। लक्षण देखिएका आधारमा अव १/२ दिनमा हामीले कोरोना परास्त गरिसक्ने छौ । तर, सिङ्गो गाउँमा बिरामी हामी मात्र होइन, फरक यत्ति हो की हामीले चेक गरायौँ । आश्चर्यको कुरा बिरामी भएकाहरू पनि मलाई त ज्वरो मात्रै आएको हो भन्दै फुर्तिला साथ घुमिरहेका छन्। सम्बन्धित निकायले पनि यस्ता विषयमा चासो राखेको छैन। त्यसैले त अहिले सरकारी रेकर्डमा कोरोना पोजेटिभको सङ्ख्या घट्दो दरमा छ। देश भरीको अवस्था यस्तै त होला नि होइन सरकार ?’
सिराहामा निषेधाज्ञा फितलो ! औषधि पसल मात्र हैन मदिरा पसल समेत खुला
सिराहामा कोरोना रोकथाम तथा नियन्त्रणका लागि जारी निषेधाज्ञा फितलो हुँदै गएको...
सोमबार, जेठ १७ २०७८सो नगरपालिकामा दोस्रो लहरको कोरोना सङ्क्रमणबाट नगरकी उप–प्रमुखसहित ६ जनाको मृत्यु भइसकेको छ भने अहिलेसम्म ५० भन्दा बढी व्यक्तिमा सङ्क्रमण देखिएको स्वास्थ्य कार्यालय सप्तरीका निमित्त प्रमुख दुनियालाल यादवले बताए ।
उता, नगर प्रमुख उत्तम कुमार शर्माले सङ्क्रमितहरू नै घुमफिर गरिरहेको विषय स्वीकार गरेका छन् । ‘सङ्क्रमण देखिएर पनि बजार घुमफिर गरिरहेका व्यक्तिहरूलाई हामीले प्रहरी लगाएर पनि पहिलो पटकको लागि चेतावनी दिएको छु’ उनले भने–‘अब उपरान्त पनि त्यस्तो देखिएको खण्डमा कोभिड–१९ सङ्कट व्यवस्थापन अध्यादेश २०७८ अनुसार कारबाही अघि बढाउनेछौँ ।’
अध्यादेशअनुसार कोभिड–१९ सङ्कट व्यवस्थापन विपरीत कार्य गर्नेलाई ६ महिना कैद वा ३ लाख रुपैयाँसम्म जरिवाना अथवा दुवै सजाय हुने व्यवस्था छ ।