प्रदेश १ की सामाजिक विकास मन्त्री उषाकला राईले प्रदेशलाई खोप खरिदका लागि अनुमति दिन आग्रह गरेकी छन् । सङ्घीय सरकारले तुरुन्तै खोपको प्रबन्ध गर्नु पर्ने र गर्न नसके प्रदेशलाई खरिदको अनुमति दिन उनले आग्रह गरेकी हुन् ।
कोरोना सक्रमण नियन्त्रणका लागि खोप नै महत्वपूर्ण रहेकाले सङ्घीय सरकारलाई चाडोभन्दा चाडो प्रवन्ध गर्न आग्रह गर्दै मन्त्री राईले भनिन्, ‘सङ्घीय सरकारले प्रबन्ध गर्न नसक्ने भए प्रदेशलाई खरिदको अनुमति होस् ।’
कोरोनाको तेस्रो लहर सुरु हुने विज्ञहरूले बताइरहेकाले आवस्यक तयारी गर्न आवश्यक देखिएको बताउँदै तेस्रो लहरको पनि पूर्वतयारी आवश्यक रहेको बताइन् । कोरोना सक्रमण नियन्त्रणमा प्रदेश सरकारको ध्यान केन्द्रित रहेको बताउँदै उनले प्रदेशका दुर्गम–दुर्गम स्थानमा कोरोना फैलिँदै गएकाले यसको नियन्त्रणमा प्रदेश सरकार लागेको बताइन् ।
मन्त्री राईले सरकारी अस्पतालमा जनशक्तिको अभाव देखिएकाले परिपूर्तिमा पनि स्वास्थ्य मन्त्रालयको ध्यान जान आवशयक रहेकोमा जोड दिइन् । प्रदेश १ का सबै जिल्ला अस्पताललाई व्यवस्थित बनाउने अभियानमा रहेको जानकारी गराउँदै भनिन्, ‘प्रत्येक जिल्ला अस्पतालहरूलाई सुविधासम्पन्न बनाउनेगरी अघि बढेका छौँ ।’
प्रदेशवासीबाट सहयोग रकम सङ्कलन गरी प्रदेश १ मा ‘स्वास्थ्य कार्यक्रम’ ल्याइने
प्रदेश १ की सामाजिक विकास मन्त्री उषाकला राईले विपन्नका लागि...
मङ्गलवार, जेठ ११ २०७८सबै स्थानीय सरकारको बजेट केन्द्रिकृत गरी पूर्ण व्यवस्थित र विकसित अस्पताल निर्माणमा लागि परेको उनले बताउँदै एचडियू, आइसियू, भेन्टिलेटर, आवश्यक जनशक्तिसहितको विकसित अस्पताल निर्माण हुने बताइन् ।
विपन्न नागरिकको स्वास्थ्य उपचारलाई केन्द्रित गरी विपन्न स्वास्थ्य कार्यक्रम ल्याउने योजनामा प्रदेश सरकार रहेको उनले बताइन् ।
