नेपालमा वितेको २४ घन्टामा साढे ६ हजार भन्दा बढी व्यक्तिहरु कोरोना भाइरसबाट सङ्क्रमणमुक्त भएका छन् ।
स्वास्थ्य तथा जनसंख्या मन्त्रालयका अनुसार आज थप ६ हजार ५७० जना सङ्क्रमणमुक्त भएसँगै कोरोनाबाट निको हुनेको संख्या ५ लाख ४ हजार ५३० पुगेको छ । यो कूल सङ्क्रमितको ८४ दशमलव ७४ प्रतिशत हो ।
आज १७ हजार ६७६ जनाको परीक्षण गर्दा ५ हजार १५३ जनामा कोरोना भाइरसको सङ्क्रमण देखिएको छ । मन्त्रालयका अनुसार आज १२ हजार ६५ पिसिआर र ५ हजार ६११ एन्टिजेन परीक्षण गर्दा क्रमस ३ हजार ८७० र १ हजार २८३ जनामा सङ्क्रमण पुष्टि भएको हो ।
अहिलेसम्म पिसिआरबाट ५ लाख ९५ हजार ३६४ जनामा सङ्क्रमण पुष्टि भएको छ भने एन्टिजेन परीक्षणबाट १५ हजार ९४४ जनामा सङ्क्रमण देखिएको छ ।
थप १०८ जनाको निधन भएसँगै कोरोनाबाट ज्यान गुमाउनेको संख्या ८ हजार ९८ पुगेको छ । आजको मृतक संख्यामा नेपाली सेनाले विभिन्न मितिमा व्यवस्थापन गरेको शवको संख्यासमेत जोडिएको मन्त्रालयले जनाएको छ ।
१९ हजारमा झर्यो उपत्यकाको सक्रिय सङ्क्रमित, आज नयाँ सङ्क्रमित १,२२६
केही समयअगाडीसम्म ४५ हजारभन्दा माथि रहेको काठमाडौं उपत्यकाको सक्रिय सङ्क्रमितको संख्या...
मङ्गलवार, जेठ २५ २०७८