उपप्रधानमन्त्री एवं सहरी सहरी विकास मन्त्री राजेन्द्र महतोले नेपाल एकल राज्य नभई बहुल राज्य हुनुपर्ने माग गरेपछि नयाँ बानेश्वर चोकमा महतोको पुत्ला जलाइएको छ । महतोले बुधबार पदभार ग्रहणका क्रममा बहुल राष्ट्रिय राज्यको स्थापनाको लागि राष्ट्रिय मुक्ति आन्दोलनको तयारी गर्ने अभिव्यक्ति दिएका थिए। सो अभिव्यक्ति महतोले शनिबार पनि दिएका थिए।
राजेन्द्र महतोको उक्त अभिव्यक्तिको बिरुद्व अनेरास्ववियु (खनाल-नेपाल) ले आज नयाँ बानेश्वरमा प्रधानमन्त्री केपी शर्मा ओली र राजेन्द्र महतो को पुत्ला जलाएका हुन् ।
महतोको उक्त भनाईमा एमालेका नेता बामदेव गौतम, गोकर्ण विष्ट र योगेश भट्टराईले यसअगाडी नै आपत्ति जनाइसकेका छन् । त्यस्तै सामाजिक सञ्जालमा महतोको उक्त भनाईविरुद्ध बहस सुरु भएको छ । नयाँ पार्टी नेपालले एक विज्ञप्ति जारी गर्दै महतोलाई २४ घन्टाभित्र देश छोड्न माग गरेको छ ।
हेरौं तस्विरहरू
