मोरङको विराटनगर महानगरपालिका–४ एयरपोर्ट मोडमा कार दुर्घटनामा परेको छ । बिहीबार साँझ कारले पैदलयात्रीलाई ठक्कर दिँदा एक पैदलयात्रीको मृत्यु भएको हो भने अर्का एक जना घाइते भएका छन् ।
बेलुका ७ः३५ बजे होटल एसियाटिक अगाडि प्रदेश ३ –०१०२२ च २१३९ नम्बरको होन्डा सिटी कारले दुई जना पैदलयात्रीलाई ठक्कर दिएको थियो । जसमा विराटनगर–४ मा रहेको न्यू एभरेस्ट फर्निचरमा काम गर्ने भारत कटिहार घर भएका ३५ वर्षीय मुकेश शर्माको मृत्युु भएको हो ।
यस्तै, सोही स्थानमा काम गर्ने कटहरी गाउँपालिका–२ का २७ वर्षीय रामकुमार राजवंशी घाइते भएका छन् । गम्भीर घाइते उनको विराटनगरस्थित नोबेल मेडिकल शिक्षण अस्पतालमा उपचार भइरहेको छ ।
कार चालक भने फरार रहेका छन् । प्रहरीले यस विषयमा अनुसन्धान सुरु गरेको छ ।