पशुपति आर्यघाटमा विवेकशील साझा पार्टीका पूर्वसंयोजक तथा वैकल्पिक राजनीतिका अभियन्ता उज्वल थापालाई अन्तिम बिदाई गरिएको छ ।
कोरोना सङ्क्रमण भएर काठमाडौंको मेडिसिटी अस्पतालमा उपचार गराइरहेका ४४ वर्षीय थापाको आज अपरान्ह ४: २५ बजे अस्पतालमा निधन भएको हो ।
कोरोना संक्रमणसमेत भएपछि जेठ महिनाको सुरुमा अस्पतालमा भर्ना भएका थापाको सोमबार मात्र कोरोना रिपोर्ट नेगेटिभ आएको थियो । कोरोना संक्रमणपछि स्वास्थ्यस्थिति जटिल बन्दै गएपछि उनलाई अस्पताल भर्ना गरिएको थियो । यसअघि ग्रान्डी अस्पतालमा उपचाररत उनलाई एक्मो विधिबाट उपचार गर्न मेडिसिटी भर्ना गरिएको थियो ।
उपचार महंगो भएकाले पार्टीका नेताहरुको अगुवाइमा भएको आर्थिक संकलनमा एकै दिन पचास लाख रुपैयाँ भन्दा बढी संकलन भएको थियो । नेपालमा वैकल्पिक राजनीतिको वकालत गर्ने विवेकशील नेपाली दलका संस्थापक अध्यक्ष उज्ज्वल थापाको जीवन रक्षाका लागि मानिसहरुले स्वःस्फूर्तरुपमा जसरी चन्दा उठाइरहेका थिए । आफूलाई राजनीतिक अभियानकर्मी बताउने थापाको अध्यक्षतामा सन् २०१३ मा विवेकशील नेपाली पार्टी स्थापना भएको थियो। उनले सन् २०१९ को अक्टोबर महिनामा उक्त जिम्मेवारी छाडेका थिए।
थापाको परिवारले संक्रामक रोगको समयमा अन्तिम संस्कार साधारण पारिवारिक तवरले गर्ने इच्छा भएकोले सम्भव भएसम्म सहभागी नभइदिनुहुन अनुरोध गरेको भएतापनि उनको अन्तिम बिदाईमा केही तस्विरहरू