गायिका पारु राई एक दशक पछि पुनः आफ्नो साङ्गीतिक कोसेली तिम्रो तृष्णा बोलको गीत लिएर दर्शक/ श्रोता सामु आएकी छिन् ।
एक दशक अघि प्यास नामक गिती एल्बमबाट साङ्गीतिक यात्रा तय गरेकी राईले “तिम्रो तृष्णा” बोलको गीत लिएर दर्शक सामु पुनः आएकी हुन् । राईलाई भ्वाईस अफ नेपालका फाईनलिष्ट विकाश लिम्बुले साथ दिएका छन् । पछिल्लो समय विकास सम्भावना बोकेका गायकको रूपमा परिचित छन् ।गीतको शब्द रचना गायिका स्वयंको हो भने सङ्गीत तारा प्रकाश लिम्बुले भरेका छन् । यूके र नेपालका विभिन्न सुन्दर तथा रमणीय ठाउँमा छायाङ्कन गरिएको यस भिडियोमा छांयाकन, सम्पादन एवं निर्देशन सञ्चारकर्मी कुशल श्रेष्ठले गरेका छन् र नेपालतर्फ सुरज तामाङले निर्देशन गरेका छन् ।
करिब डेढ दशक यता ब्रिटिस गोर्खा सेनामा सेवारत साथै सामाजिक अभियन्ता मण्डल थेबे, पारु राई, विकास लिम्बु र बृक्षा लिम्बुले यस गीतमा अभिनय गरेका छन् । सानै उमेर देखि कलाकारितामा झुकाव भएकोले अवसर पाएसम्म समय मिलाएर कलाकारितामा निरन्तर लाग्ने बताए ।
नेपाल छँदै सङ्गीतको आधारभूत शिक्षा लिइसकेकी गायिका आफ्नो पारिवारिक जिम्मेवारीको कारण आफ्नो साङ्गीतिक यात्रालाई औपचारिक रूपमा निरन्तरता दिन नसके पनि विगत तीन वर्ष यता दि लण्डन कलेज अफ म्युजिक अन्तर्गत क्लासिकल पियानो सम्बन्धी कक्षा लिई रहेकी छिन् ।
नेपाल पाँचथरमा जन्मिएकी पारु हाल बेलायतमा पल्टने जीवन बिताई रहेकी पारु राई करिब ९ वर्षदेखि स–परिवार बेलायत बस्दै आएकी छिन् ।