कोभिड–१९ संकट व्यवस्थापन केन्द्र (सीसीएमसी)को आइतबार बसेको बैठकमा स्वास्थ्य संकटकालका विषयमा गम्भीर छलफल भएको छ । यद्यपी त्यसबारे भने कुनै निर्ण भएन ।
प्रधानमन्त्री केपी शर्मा ओलीको उपस्थितिमा भएको बैठकले महामारी नियन्त्रणका विविध आयाममा छलफल भएको परराष्ट्रमन्त्री प्रदीप ज्ञवालीले जानकारी दिए ।
‘अहिले संक्रामक रोग ऐनले गर्न नसकेको केके काम चाहिँ स्वास्थ्य संकटकाल लगायो भने सहज हुन्छ भनेर तुलनात्मक अध्ययन भइरहेको छ,’ उनले भने ।
बैठकमा प्रधानमन्त्री केपी शर्मा ओलीले अक्सिजन, खोपलगायतका अत्यावश्यकीय वस्तुहरुका लागि तत्काल काम थाल्न निर्देशन दिएका हुन् ।