वीरगञ्जमा बालिकामाथि यौन दुर्व्यवहार गरेको आरोपमा एक जना युबकलाई पक्राउ परेका छन् ।
प्रहरीले वीरगञ्ज महानगरपालि २० का २२ वर्षीय सरोज चौरसियालाई पक्राउ गरिएको हो । चौरसियाले खेल्दै गरेकी नौ वर्षीया बालिकालाई फकाएर आफ्नो घरमा बोलाइ यौन दुर्व्यवहार गरेको प्रहरीले जनाएको छ ।
प्रहरीका अनुसार बालिका त्यहाँबाट भागेर अभिभावकलाई जानकारी गराएकी थिइन् । बालिकाका बुवाले जिल्ला प्रहरी कार्यालयमा शनिबार दिएको किटानी जाहेरीको आधारमा चौरसियालाई दिउँसो १ बजे घरबाटै पक्राउ गरिएको पर्साका प्रहरी प्रवक्ता प्रहरी नायब उपरीक्षक ओम प्रकाश खनालले जानकारी दिए ।
पक्राउ परेका चौरसियाविरुद्ध बाल यौन दुर्व्यवहार सम्बन्धी कसुरमा अनुसन्धान भइरहेको खनालले बताए ।