चीनले पछिल्लो समय पटक(पटक ताइवानको हवाई रक्षा क्षेत्रमा अवैध घुसपैठ गरि ताइवानका सैन्य गतिविधि बढाएको छ । गत सोमबार चिनियाँ सेना पिपुल्स लिब्रेसन आर्मीले ताइवानको हवाई क्षेत्रमा घुसपैठ गरि उसको राडर प्रणाली परीक्षण गरेको छ ।
ताइवानको राडर प्रणाली परीक्षणसँगै खुफिया सूचनाहरु संकलन गर्नका लागि पिएलएको जासुसी विमान ताइवानको हवाई रक्षा क्षेत्रमा प्रवेश गरेको हो । उक्त सूचनापछि ताइवानका सुरक्षा प्रमुखले चीनले यस क्षेत्रमा तनाव सिर्जना गर्न खोजेको र त्यसो नगर्न चेतावनी दिएको छ ।
चिनियाँ वाइ-८ रणनीतिक जासुसी जहार ताइवानको दक्षिणपश्चिम हवाइ रक्षा क्षेत्रमा प्रवेश गरेको थियो । उक्त विमान करिब ३० मिटरको उचाइमा उडेको दक्षिणपश्चिमएयरस्पेशअफटिडब्लूले आफ्नो फेसबुक पेजमार्फत जानकारी गराएको हो ।
ताइवान रक्षा मन्त्रालयले हवाई उडान सुरु गरेपछिको यो सबैभन्दा कम उचाइमा उडेको यो पहिलो विमान भएको जनाइएको छ । ताइवानमा गत वर्षको सेप्टेम्बरदेखि चिनियाँ सेनाले ताइवान क्षेत्रमा घुसपैठ गरेर त्यहाँका गतिविधिहरुमा निगरानी बढाउन थालेको हो ।
चिनियाँ लडाकू र जासुसी विमानहरु ताइवानको हवाई क्षेत्रमा प्रवेश गरेसँगै ताइवानले पनि आफ्नो सैन्य विमानहरु परिचालन गर्दै ध्वस्त पारिदिने चेतावनी दिने गरेको छ । सोमबार पनि ताइवानले उक्त जासुसी विमानहरु खसालिदिने चेतावनी दिएपछि चिनियाँ सेना फिर्ता भएको फेसबुक पेजमार्फत जानकारी गराइएको छ ।
यसअघि चिनियाँ सेनाको वाइ(८ लडाकू विमान सोही क्षेत्रमा प्रवेश गर्दै ताइवानी हवाई बललाई तर्साएको थियो । ताइवानका रक्षामन्त्रालयले घुसपैठ भएको पुष्टि गरे पनि कति उचाइमा उडेका थिए भन्ने खुलाएका छैनन् ।
ताइवानको राष्ट्रिय चुंगचेंग विश्वविद्यालयको रणनीतिक तथा अन्तर्राष्ट्रिय मामिलाका सहायक प्राध्यापक यिंग यु लिनले सोमबारको चिनियाँ जासुसी विमान कम उचाइमा ताइवानको हवाई क्षेत्रमा प्रवेश गुर्नको उद्देश्य ताइवान सेनाको राडर प्रतिक्रिया क्षमता परीक्षण गर्नु रहेको बताएका छन् ।
सामान्यतयाः कम उचाइमा राडरले काम गर्न नसक्ने अवस्था पनि हुने भएका कारण चिनियाँ सेनाले उक्त क्षमता परीक्षण गर्न कम उचाइमा उडान गरेको उनले बताएका छन् ।