प्रदेश १ मा शुक्रबार ७५१ जना कोरोना संक्रमित थपिएका छन् । सक्रिय संक्रमितको संख्या ११ हजार २६९ पुगेको छ । प्रदेश १ मा शुक्रबार १ हजार ६३० जनाको पीसीआर परीक्षण गरिएको छ । यो संख्या पछिल्ला दुई दिनको भन्दा कम हो ।
परीक्षण गरिएका मध्ये ३०० महिला र ४५१ पुरुषको रिपोर्ट पोजेटिभ आएको सामाजिक विकास मन्त्रालयले जनाएको छ ।
पछिल्ला चारदिन प्रदेश १ का ८ वटा बढि प्रयोगशालाबाट दैनिक १ हजार ८ सय बढि स्वाबका नमूनाको पीसीआर परीक्षण हुँदै आइरहेको थियो । बिहीबारमात्रै साढे २१ सयको पीसीआर परीक्षण हुँदा १ हजार ३९ जनाको रिपोर्ट पोजेटिभ आएको थियो । शुक्रबार भने परीक्षण दर घटेका कारण संक्रमितको संख्यामा पनि कमि भएको हो ।
मोरङमा ३५१, सुनसरीमा २१२, झापामा ४४, धनकुटामा ४२, तेह्रथुममा २५, उदयपुरमा १४, इलाममा ४, संखुवासभामा २, पाँचथर र ओखलढुङ्गामा १–१ र प्रदेश १ बाहिरका ५५ जनामा संक्रमण देखिएको सामाजिक विकास मन्त्रालयले जनाएको छ । मोरङको विराटनगरमा ९६ महिला र १४९ पुरुष सहित २४५ जनाको रिपोर्ट पोजेटिभ आएको छ । त्यस्तै सुन्दरहरैचामा ४९, बेलबारीमा १३, बुढीगंगामा ११, धनपालथान र रंगेलीमा ४–४, जहदा र रतुवामाईमा ३–३, सुनबर्षी, उर्लाबारी, ग्रामथान, पथरीशनिश्चरे र लेटाङमा २–२, कटहरीमा १ र स्थानीय तह नखुलेका ८ जनामा संक्रमण पुष्टि भएको जनाइएको छ ।
सुनसरीको इटहरीमा १०८, धरानमा ४६, इनरुवामा २०, दुहवीमा १२, भोक्राहानरसिंहमा ७, बराहक्षेत्र र रामधुनीमा ४–४, गढी, देवानगञ्ज, बर्जु र कोशी गाउँपालिकामा २–२, स्थानीय तह नखुलेका ३ जनामा संक्रमण देखिएको छ । उता झापाको दमकमा ३६, गौरादह, मेचीनगर र झापा गाउँपालिकामा १–१ र स्थानीय तह नखुलेका ५ जनमा संक्रमण देखिएको मन्त्रालयले जनाएको छ ।
त्यसैगरि धनकुटाको चौबीसेमा १६, धनकुटा नगरपालिकामा १५, छथरमा ४, शहिदभूमीमा ३, साँधुरीगढी, महालक्ष्मी, पाख्रिवास र स्थानीय तह नखुलेका १–१, तेह्रथुमको म्याङ्लुङमा १७, लालीगुराँसमा ७ र फेदापमा १ जना पोजेटिभ देखिएका छन् ।
उदयपुरको त्रियुगामा ६, बेलकामा ५, उदयपुरगढी, चौदण्डीगढी र स्थानीय हत नखुलेका १–१, इलामको चुलाचुलीमा ३ र इलाम नगरपालिकामा १, संखुवासभाको धर्मदेवी र स्थानीय तह नखुलेका १–१, पाँचथरको मिक्लाजुङमा १, ओखलढुङ्गामा १ र प्रदेश १ बाहिरका ५५ जनामा संक्रमण देखिएको मन्त्रालयले जनाएको छ ।
प्रदेश १ मा कोरोना संक्रमितको संख्या ४२ हजार ६०७ पुगेको छ । संक्रमित भएका मध्ये ३० हजार ७११ संक्रमणमुक्त भएका छन् । थप ८४ जना शुक्रबार संक्रमणमुक्त भएका छन् ।