प्रमुख प्रतिपक्ष दल नेपाली काँग्रेसले नेकपा एमाले (माधव पक्षका) सासंदहरुको सामूहिक राजीनामा नआएसम्म सरकारको दावी नगर्ने भएको छ ।
सभापति शेरबहादुर देउवा निवास बुढानीलकण्ठमा बसेको काँग्रेस पदाधिकारी बैठकले माधव नेपाल समूहका सासंदहरुको सामूहिक राजीनामा नआएसम्म सरकारको दाबी नगर्ने निर्णय गरेको बैठकमा सहभागी एक नेताले केटिएम दैनिकलाई बताए ।
उक्त बैठक बस्नुअघि देउवाले माओवादी केन्द्रका अध्यक्ष पुष्पकमल दाहालसँग भेटवार्ता गरेका थिए ।
संविधानको धारा ७६ को उपधारा २ अनुसार बहमुतको सरकार बनाउनको लागि दिइएको समय आज साँझ ९ बजेसम्मको छ। बेलुकासम्म बहुमत जुटाउनको लागि काँग्रेस र माओवादीका नेताहरु लागिरहेका छन् भने एमाले ओली पक्ष जसपाको एक गुटलाई आफ्नो साथमा लिएर जसरी हुन्छ विपक्षीहरुको संख्या १३६ नपुर्याउनेमा लागिपरेको छ ।
माधव कुमार नेपाल र प्रधानमन्त्री केपी शर्मा ओली क्याप्टेन रामेश्वर थापाको घरमा बिहानदेखि नै बैठकमा बसिरहेका छन् भने जसपाका १३ सासंदलाई भक्तपुरको एक रिसोर्टमा राखिएको छ ।
काँग्रेसका ६१ र माओवादीका ४९ सभामुख सहित सासंदले जम्मा ११० पुग्छ उनीहरुले १३६ सासंद नपुर्याएसम्म नयाँ सरकारको ढोका खुल्दैन । सिंगो जसपा एकैठाउँमा नहुँदा र एमालेका माधव पक्षका सासंदहरुले सामूहिक राजिनामा नगर्दासम्म बहुमतको सरकार बन्नै सक्दैन ।