नेपालमा कोरोना भाइरसको सङ्क्रण तिब्र रुपमा फैलिएसँगै निषेधाज्ञा जारी गर्ने जिल्लाको संख्या ७३ पुगेको छ । नेपालका ७७ वटा जिल्ला मध्ये मनाङ, खोटाङ, रुकुम पुर्व र तेह्रथुम गरी ४ वटा जिल्लामा मात्र निषेधाज्ञा लागु भएको छैन।
तराईं–मधेस तथा उपत्यकाका जिल्लामा ५०० र पहाडी जिल्लामा २०० सक्रिय संक्रमित पुगे प्रमुख जिल्ला अधिकारीले निषेधाज्ञा जारी गर्नसक्ने ब्यवस्था छ। काठमाडौं उपत्यकामा यसअघि लागु गरिएको निषेधाज्ञा आज राति सकिदैछ। भोलिदेखि थप १५ दिन निषेधाज्ञा लम्ब्याउने निर्णय भइसकेको छ।
काभ्रेपलान्चोक, मकवानपुर, रामेछाप, ताप्लेजुङ, सिन्धुपाल्चोक ,धनकुटा र सप्तरी जिल्लामा कोरोना सङ्क्रण बढी रहेको स्थानहरुमा मात्र निषेधाज्ञा जारी गरिएको छ भने बाँकी जिल्लाहरुमा जिल्लाभर पूर्णरुपमा निषेधाज्ञा जारी गरिएको गृह मन्त्रालयले जनाएको छ ।
सङ्क्रमणको साङ्लो तोड्न भन्दै निषेधाज्ञा जारी गरिएतापनि सङ्क्रमण घटेको छैन । दैनिक २० हजार परीक्षण गर्दा ९ हजारको हाराहारीमा सङ्क्रमित भेटिन थालेका छन् । अघिल्लो पटकको कोरोना महामारीमा ६० वर्षभन्दा बढी उमेर समूह बढी सङ्क्रमित भएतापनि अहिले भने २० देखि ३९ वर्ष समूहका युवाहरु बढी सङ्क्रमित भएको मन्त्रालयलको तथ्यांकले देखाउँछ ।
सङ्क्रमितको संख्यामा युवायुवतीहरु बढी भएतापनि ज्यान गुमाउनेको संख्या भने ६० वर्ष भन्दा माथिको छ । हिजो (मङ्गलबार) सम्म कोरोनाबाट निधन हुनेमध्येमा ६० वर्षभन्दा माथिका ५८ प्रतिशत रहेको तथ्याङ्क स्वास्थ्य तथा जनसंख्या मन्त्रालयले सार्वजनिक गरेको छ ।
कुन जिल्लामा कहिलेसम्म निषेधाज्ञा हेर्नुहोस् सूची
[wpna hide=’wp’]निषेधाज्ञा जारी गरिएका जिल्लाको सूची मोबाइलमा हेर्न असहज भएको खण्डमा यो लिंकमा क्लिक गरेर डाउनलोड गर्न सक्नुहुन्छ । [/wpna]