खोटाङ जन्तेढुंगा गाउँपालिका ५ घोर्ले स्थित तारेभरिबाट अटो टेम्पु खस्दा अटोमा सवार सोही स्थानका १३ वर्षीय गोकुल परियारको मृत्यु भएको छ । उनको उपचारको लागी घोपा धरान ल्याउने क्रममा बेलुका ५ बजे बाटो मानै मृत्यु भएको हो ।
उक्त दुर्घटनाबाट घाइते हुनेमा टेम्पु चालक जेन्तेढुंगा ४ का ३३ वर्षीय जीवन राई, चालककै छोरा ७ महिनाको जर्मन राई, जेन्तेढुंगा ५ का १६ वर्षीय मणिराम राई, सोही स्थानका ६५ वर्षीय रत्न बहादुर राई रहेका छन् ।
घाइते मध्ये मणिराम राईको अवस्था सामान्य रहेकोले स्थानीय स्वास्थ्य केन्द्रमा नै उपचार भइरहेको र बाकीलाई घोपा धरान तर्फ पठाइएको प्रहरीले बताएको छ ।
मङ्गलवार बिहान १० बजे घोर्लेबाट बिरामी बोकी चिसापानी आउने क्रममा लु.१ स. ०३५० नम्बरको अटो टेम्पु तारेभरिबाट अन्दाजी ५०० मिटर तल खसेको हो ।