कैलालीको गेटा मेडिकल कलेजको भवनमा बनाइएको आइसोलेसन सञ्चालनको तयारी अवस्थामा पुगेको छ । ३० बेड पूर्ण रूपमा तयार भएपनी सञ्चालन भएन हुन सकेको छैन ।
अक्सिजन आउन समय लागेकाले आइसोलेसन सञ्चालनमा ढिलाइ भएको छ । त्यहाँ रहने बिरामीको लागी उपचारको लागी स्वास्थ्यकर्मीको तैनाथ पनि सुरु गरिन लागिएको छ । गोदावरी र धनगढी नगरपालिकाले यहाँ स्वास्थ्यकर्मी खटाउने भएका छन् । बिरामी उपचारको लागी आवश्यक स्वास्थ्य सामाग्री जडानको कार्य सुरु भएको नगरपालिकाका फोकल पर्सन शर्मानन्द भट्टले बताए ।
‘हामीले गर्नुपर्ने व्यवस्थापकीय तयारी सबै गरिसक्यौ,बिरामी ल्याउने तयारी मा छौँ तर अक्सिजन र स्वास्थ्य उपकरण जडानको कार्यमा केही समय लाग्ने भएको छ’, भट्टले भने ‘कोरोना महामारीको बेला छिटो काम गर्ने भनेको हो तर सरकारी खरिद कार्यान्वयन प्रक्रिया जटिल छ । केन्द्र सरकारले पैसा पठाएको छैन स्थानीय सरकारहरू आ–आफ्नै व्यवस्थापनमा व्यस्त छन् ।’
जिल्ला कोभिड संकट व्यवस्थापन केन्द्र मातहत रहने गरी सुदूरपश्चिम प्रदेश सरकार, धनगढी उपमहानगरपालिका, गोदावरी नगरपालिकाको सहकार्यमा आइसोलेसन निर्माण कार्य थालिएको हो। खुल्ला र अत्यन्तै सफा ठाउँमा आइसोलेसन बनाइएको छ । स्वास्थ्यकर्मीहरूलाई पनि त्यहाँ बिरामीको उपचार गर्न निकै सहज हुने स्वयम स्वास्थ्यकर्मीहरुले बताएका छन् । आइसोलेसनमा बस्नेहरूको लागी खुल्ला चौरमा ब्यायम र योग गर्ने पनि प्रबन्ध मिलाइएको छ ।
सेती अस्पतालको बाहिर र ग्यालरीमा उपचार गरिरहेका बिरामीहरूले गेटा आइसोलेसनमा भर्ना गर्न सके धेरै जसो बिरामी छिट्टै निको हुने गेटा आइसोलेसनमा खटिएका स्वास्थ्यकर्मी विष्णु जोशीले बताए । जोशीले छिटो भन्दा छिटो गेटा आइसोलेसनमा बिरामी भर्ना गर्न आफूहरूलाई दबाब बढेको भएपनी अक्सिजन नपुगेकाले समस्या भएको बताए ।
गेटा आइसोलेसनलाई छिटो सञ्चालनमा ल्याएर स्वास्थ्यकर्मीको र स्वास्थ्य उपकरण उचित प्रबन्ध मिलाउन सके कोरोनाबाट यहाँका धेरै नागरिकलाई जोगाउन सकिने स्थानीय स्वास्थ्यकर्मीको भनाई छ ।
प्रदेश सरकारले सय बेडको आइसोलेसन तयार गर्दै
सुदूरपश्चिम प्रदेश सरकारले प्रदेशमा कोरोना सक्रमित बढ्दै जान थालेको भन्दै धनगढीको शुभम होटेल र प्रादेशिक आयुर्वेदिक चिकिशाल्यमा ५०÷५० बेडको आइसोलेसन बनाउने तयारी गरेको छ । शुभम होटेलमा बेड सम्म तयार गरेको भए पनि स्वास्थ्य सामाग्री जुटाउन नसक्दा सञ्चालनमा आउन कठिनाइ भइरहेको छ ।
सुदूरपश्चिम प्रदेश सामाजिक विकास मन्त्रालयका प्रवक्ता नरेन्द्र सिंह कार्कीले शुभम होटेल भाडाका लागि टेन्डर आवाहन गरिएको बताए । ‘प्रादेशिक आयुर्वेदिक चिकिशाल्यका लागि आवश्यक जनशक्तिका लागि सूचना आवाहन गरिएको छ, ‘उनले भने छिटै नै कर्मचारी प्रदपूति गरेर आइसोलेसन सञ्चालनमा ल्याउँछौ ।’