इटहरी उपमहानगरपालिका क्षेत्रमा निषेधाज्ञाको समयावधि थपिएको छ । मङ्गलबार इटहरी उपमहानगरपालिकाका प्रमुख द्वारिकलाल चौधरीको अध्यक्षतामा बसेको बैठकले निषेधाज्ञाको समयावधि थप गर्ने निर्णय गरको उपमहानगरपालिकाका प्रमुख प्रशासकीय अधिकृत सूर्य प्रसाद सुवेदीले जानकारी दिए ।
उनका अनुसार वैशाख २९ गते बिहान १० बजेदेखि लागू हुनेगरी जेठ ४ गते मध्यराति १२ बजेसम्मका लागि निषेधाज्ञा थपिएको छ । इटहरीमा कोरोना सङ्क्रमितको सङ्ख्या झन्–झन् बढ्न थालेपछि निषेधाज्ञा थप्न बाध्य भएको चौधरीले जनाएका छन् ।
मेयर चौधरीका अनुसार निषेधज्ञाको समयमा फलफूल पसल र दूधडेरी भने बिहान १० बजेसम्म सञ्चालन हुने उपमहानगरपालिकाले जनाएको छ । आइतबासम्मको तथ्याङ्कअनुसार इटहरीमा सङ्क्रमितको सङ्ख्या ५८७ पुगेको छ ।