प्रधानमन्त्री केपी शर्मा ओलीको सरकार विश्वासको मत नपाएको कारण आज ढलेको छ । आजको मतदानबाट नेकपा एमालेका १ सय २१ जना सांसदमध्ये प्रधानमन्त्री ओलीसँग जम्मा ९३ जना र माधव नेपालसँग २७ सांसद रहेको स्पष्ट भएको छ ।
त्यसैगरी जसपाका महन्थ ठाकुरसँग १४ जना र राप्रपाका एक जना सांसद तटस्थ देखिए । विपक्षीले १ सय २४ मत मात्रै ल्याउन सकेकाले संविधानको धारा ७६ (२) अनुसार गठबन्धन सरकार बनाउन निकै कठिन देखिन्छ । यद्यपि शेरबहादुर देउवा,प्रचण्ड र उपेन्द्र यादवले आजै रास्ट्रपतिलाई ७६(२) अनुसारको सरकार बनाउन दिन पत्र लेखिसकेको स्थिति छ । नयाँ सरकार बनाउन कम्तिमा १ सय ३६ जना सांसद चाहिन्छ ।
आजको मतदानपछि अझै पनि निर्णायक शक्ति एमालेको माधव खेमा या सिङ्गो जसपा नै देखिएको छ । अब प्रधानमन्त्री ओलीले माधव नेपालनिकट समानुपातिकतर्फका ७ जना सांसदलाई फालेर नयाँ नियुक्त गरे पनि ९३ मा ७ थप्दा १ सय पुग्ने हो । तर,बैठकमा अनुपस्थित भएर विश्वासको मत नदिने प्रत्यक्ष निर्वाचित २० जना सांसदलाई के गर्ने ?
ओली सरकार ढलेपछि कांग्रेस, एमाले र जसपा मिलेर सरकार बनाउने भनेर राष्ट्रपति समक्ष पत्र बुझाएका छन् ।