नेपालमा कूल कोरोना सङ्क्रमितको संख्या ४ लाख नाघेको छ । वितेको २४ घन्टामा ९ हजार २७१ सङ्क्रमित थपिएसँगै कूल सङ्क्रमितको सङ्ख्या ४ लाख ३ हजार ७९४ पुगेको हो ।
अघिल्लो शुक्रबार ९ हजार १९६ जनामा कोरोना सङ्क्रमण भएर कायम भएको सर्वाधिक संख्यालाई आजको रेकर्डले तोडेको छ ।
स्वास्थ्य तथा जनसंख्या मन्त्रालयले सार्वजनिक गरेको विवरणअनुसार देशभरका प्रयोगशालामा १७ हजार ६२३ जनाको पिसिआर र ७८८ जनाको एन्टिजेन परीक्षणबाट कूल ९ हजार २७१ जनामा सङ्क्रमण पुष्टि भएको हो ।
त्यस्तै पछिल्लो २४ घन्टामा नेपालमा ४ हजार ७ सङ्क्रमितहरु कोरोनामुक्त भएका छन् ।