प्रधानमन्त्री केपी शर्मा ओलीले विश्वासको मत लिन बोलाएको विशेष अधिवेशनमा बोल्दै प्रमुख प्रतिपक्ष दल नेपाली काँग्रेसका सभापति शेर बहादुर देउवाले कमिसनको कारण नेपाली जनताले कोरोना विरुद्धको खोप लगाउनबाट बन्चित भएको बताएका छन् ।
संसदमा बोल्दै देउवाले भने विज्ञले पटक पटक लहर आउन सक्ने भन्ने दिएको चेतावनी सरकारले सुन्दै सुनेन र नेपाल विश्वकै कोभिड संक्रमणको उच्च जोखिम हुने देशहरुमा परेको छ । यो सरकारको कारण हो कि होइन ?
उनले मान्छे भेला पारेर बन्दै नबनेको धरहरा उद्घाटन गर्नु गैरजिम्मेदारी भएको बताए । देउवाले भने “संक्रमणकै अवस्थामा बन्नै बाँकी भएको धरहरा उदघाटन गर्न प्रधानमन्त्री पुग्नु गैरजिम्मेदारी हो ।”
प्रधानमन्त्रीले नैतिकताको आधारमा राजीनामा दिनुपर्ने त्यो पनि गर्नुभएन । राज्यको महत्वपूर्ण निकायहरुमा आफू अनुकुल व्यक्तिहरुलाई नियुक्त गर्दै हुकुमी शैलीमा शासन चलाउने कार्य भयो ।
विश्वासको मत माग्ने प्रधानमन्त्री केपी शर्मा ओलीको प्रस्तावमाथि संसदमा भएको छलफलमा भाग लिँदै उनले सरकार गठन भएको तीन वर्षमा नै विश्वासको मत माग्ने अवस्था आउनुमा प्रधानमन्त्री स्वयं जिम्मेवार रहेको बताए ।
उनले प्रधानमन्त्री ओलीले आफू प्रधानमन्त्री हुने अनि अरुमाथि दोष थुपारेर जिम्मेवारीबाट भाग्न नपाउने पनि टिप्पणी गरेका छन्। उनले सरकार पूर्ण रुपमा असफल भएको पटक पटक दोहोर्याए । उनले मानिस दुनियाँबाट भाग्न सक्ने तर आँफैबाट भाग्न नसक्ने पनि सुनाए । प्रधानमन्त्रीमा अंकगणितीय दम्भ रहेको पनि उनले आरोप लगाए ।
संसदमा देउवाले गरेको सम्बोधनको पूर्णपाठ
