एकसाथ नौ बच्चालाई जन्माउने महिला गम्भीर बिरामी भएकी छिन । नौ बच्चालाई जन्मा दिएर चर्चामा आएकी २५ वर्षीय महिला हालिमा सिसे प्रसवको प्रक्रियामा रगतको कमी हुन गई अवस्था गम्भीर भएको उनको उपचारमा संलग्न डक्टरले जनाएका छन् ।
अफ्रिकी मुलुक मालीको स्वास्थ्य मन्त्रालयले मङ्गलबार एक विज्ञप्ति जारी गर्दै आफ्नो देशकी २५ वर्षीया महिलाले नौ शिशु एकै साथ जन्माएको जानकारी दिएको हो । यो अहिलेसम्मकै दुर्लभ घटना भएको शल्यक्रियामा संलग्न डाक्टरहरूले भनेका छन् । स्वास्थ्य तथा सामाजिक विकासमन्त्री डाक्टर फान्ता सिबेले मोरक्कोको एक अस्पतालमा हालिमा सिसे नामकी महिलाले पाँच छोरी र चार छोरालाई एकै साथ जन्माएको उल्लेख गरेकी छन् । मङ्गलबार ती महिलाको अप्रेशन गरिएको थियो ।
सबै बच्चाहरू अहिले सकुशल छन् तर उनी मृत्यु सँग पैठे जोरी खेल्दै छिन ।
माली सरकारले उनलाई बचाउन सबै प्रयास गर्ने जनाएको छ । बच्चा जन्मनुअघि अल्ट्रासाउन्डमा सात वटा बच्चा मात्रै देखिएको पनि मालीका नेता तथा उच्च अधिकारीहरुले चासोका साथ हेरिरहेका थिए । उनको स्वास्थ्य अवस्थालाई चिकित्सकहरूले विशेष विशेषज्ञता चाहिने बताएपछि मालीका अन्तरिम राष्ट्रपतिले सरकारले खर्च व्यहोर्ने गरी उनलाई मोरक्को पठाएका थिए ।
सन् २००८ मा अमेरिकामा आठवटा बच्चा जन्माएकी एक महिलाको नाममा एकैपटक सबैभन्दा धेरै जीवित सन्तान जन्माउने विश्व कीर्तिमान कायम छ। यसअघि दुई महिलाले नौवटा बच्चा जन्माएको इतिहास छ। तर सन् १९७१ मा अस्ट्रेलिया र सन् १९९९ मा मलेशियामा ती कुनै पनि बालबच्चा केही दिनभन्दा बढी बाँचेनन्। विश्व कीर्तिमान राखेकी नाड्या सुलेमनका आठै बालबच्चा अहिले १२ वर्षका भए। ती कृत्रिम गर्भाधानबाट जन्मिएका थिए।
