कोरोना कहरको पहिलो निषेधाज्ञाको समयमा बिबाह बन्धनमा बाँधिएका लोकप्रिय गायक निशान भट्टराई आफ्नी श्रीमतीसँगै धुलिखेलमा जिपलाइन खेल्न पुगेको भिडियो सार्वजनिक भएको छ।
कोरोना कहरले गर्दा हनिमुन मनाउन जान नपाएको जोडिले बिहे पछिको यो पहिलो एड्भेन्चर यात्रा भएको बताएका छन् ।
भिडियोमा जोडीले अङ्कमाल गर्दै खेल्न मिल्ने ‘टेन्डम’ जिपलाइनको मज्जा लिएको देख्न सकिन्छ। साथै उनिहरुले एक्लाएक्लै सुपरम्यान जिपलाइनको समेत लिएका छन् ।
सङ्गीतको साधनामा रमाउने नम्र स्वभावका निशान नेपाल आइडलको पहिलो सिजनमा सहभागी भएपछि चर्चाको शिखरमा छन् । हुनत हामी कहाँ ‘रियालिटी सो’मा ह्वात्तै लोकप्रियता पाएर गुमनाम हुने धेरै छन् तर निशानले आइडल पश्चात् दिएका उत्कृष्ट गीतहरूले उनलाई अब्बल गायकका रुपमा स्थापित गरिसकेका छन् ।
निशानसँगै जिपलाइनमा उनका साथीहरू सागर आले मगर र दिपक ‘भान्जा’को जिपलाइन अनुभव पनि देख्न सकिन्छ।
भिडिओ: