सेती अस्पतालमा गरिएको परीक्षणमा थप २७२ जनामा कोरोना भाइरसको सङ्क्रमण पुस्टी भएको छ।पछिल्लो २४ घण्टामा सेती प्रादेशिक अस्पतालको प्रयोगशालामा ५६४ नमुना परीक्षण गर्दा २७२ जनामा सङ्क्रमण पुस्टी भएको अस्पतालका सूचना अधिकारी दिलीपकुमार श्रेष्ठले जानकारी दिए।
सङ्क्रमितमध्ये कैलालीको धनगढीका मात्रै १३४जना रहेका छन्।यस्तै धनगढीबाहेक कैलालीका १२१ जना र अन्य जिल्लाका १७ जनामा सङ्क्रमण पुस्टी भएको सूचना अधिकारी श्रेष्ठले बताए। हाल अस्पतालमा ५० जना कोरोना सङ्क्रमितको उपचार भइरहेको सूचना अधिकारी श्रेष्ठले बताए। जसमध्ये ३ जना भेन्टिलेटरमा, १५ जना आइसियुमा, ३० जना अक्सिजन सपोर्टमा उपचाररत छन्।पछिल्लो २४ घण्टामा सेती अस्पतालबाट २ जना निको भई घर फर्किएका छन् भने थप ६ जना अस्पतालमा भर्ना भएको सूचना अधिकारी दिलीपकुमार श्रेष्ठले जानकारी दिए।