प्रदेश २ मा बिहीबार थप ४ सय ४१ जनामा कोरोना सङ्क्रमण देखिएको छ । प्रदेश २ का विभिन्न प्रयोगशालामा परीक्षणमा १ सय ४७ महिला र २ सय ९४ पुरुषसहित ४ सय ४१ जनामा कोरोना सङ्क्रमण पुष्टि भएको हो ।
स्वास्थ्य निर्देशनालय प्रदेश २ का वरिष्ठ चिकित्सक डा. कमलेस प्रसाद यादवका अनुसार बिहीबार गरिएको परीक्षणमा धनुषामा १ सय १७, पर्सामा १ सय ११, महोत्तरीमा ७१, सिरहामा ५०, सप्तरीमा ४३, बारामा ३१, सर्लाहीमा १०, रौतहटमा ५ र अन्य प्रदेशका ३ जनामा कोरोना सङ्क्रमण हो ।
यससँगै प्रदेशमा कोरोना सङ्क्रमितको सङ्ख्या २१ हजार ६ सय ७९ पुगेको छ। त्यस्तै, पछिल्लो २४ घण्टामा थप ५ जना कोरोना सङ्क्रमितको मृत्यु भएको छ।
यससँगै मृत्यु हुनेको सङ्ख्या २ सय ४४ पुगेको छ। प्रदेश २ मा ४ हजार ४ सय ९ जना कोरोनाको सक्रिय सङ्क्रमित छन्।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
