कोरोना संक्रमण तिब्र रुपमा बड्न थालेपछि झापामा कडाई गरिएको छ । अत्यावश्यक बाहेकका सबैखाले सवारी साधन सञ्चालनमा रोक लगाइएको छ । बजार पसल पूर्ण रुपमा बन्द गरिएको छ ।
जिल्ला प्रशासन कार्यालय झापाले गएराति १२ बजेदेखि झापा जिल्लाभरी पूर्ण निषेधाज्ञा लागु गरेको छ । बैशाख ३१ गतेसम्मका लागि लागु गरिएको निषेधाज्ञामा अत्यावश्यक भनिएका सेवाका बाहेक अन्य सबै बन्द छन् । खाद्यबस्तु, खाना पकाउने ग्यास, तरकारी, फलफुल, दुध डरी, निर्माण सामग्रीका पसल बिहान ६ बजेदेखि १० बजेसम्म मात्र सञ्चालन गर्न पाइने छ । त्यस बाहेकका अन्य पसल पूर्ण बन्द हुने पनि निषेधाज्ञाको आदेशमा उल्लेख गरिएको छ ।
भारतसँत सिमाना जोडिएको काँकरभिट्टा सुनसान छ । नाकामा आवतजाबत गर्न रोक लगाइएको छ ।
मेचीनगर नगरपालिकाको अत्यावश्यक बाहेकका सेवा स्थगित
त्यसैगरी भारतसँग सिमा जोडिएको मेचीनगर नगरपालिकाले पनि अत्यावश्यक बाहेकको सेवा स्थगित गरेको छ । कोरोना संक्रमण समुदायस्तरमा तिब्र रुपमा फैलिएको हुनाले संक्रमण नियन्त्रणका लागि नगरपालिका र मातहतका कार्यालयबाट प्रवाह हुने नियमिति सेवाहरु बन्द गरेको हो ।
बैशाख ३१ गतेसम्म स्वास्थ्य सम्बन्धी कार्य, क्वारेन्टाइन र उपचार सेवा सम्बन्धी कार्य, सरसफाई लगायत बाहेकका काम नगरपालिकाबाट नहुने जनाइएको छ ।
हेर्नुहोस तस्विरहरु