सुदूरपश्चिम प्रदेशमा दैनिक कोरोना सक्रमितको सख्या बढ्दै जान थालेको छ । ५५ शय्याको सेती प्रादेशिक अस्पतालको अस्थायी कोरोना अस्पताल भरिएको छ । १५ शय्याका आकस्मिक कक्षमा पनि उत्तिकै छ ।
आकस्मिक कक्षमा कोरोनाका लक्षण भएका र अन्य बिरामीहरू पनि छन् । आकस्मिक कक्षकै ग्यालरीमा पनि बिरामीको चाप छ ।भित्र बेड र भुइँसमेत भरिएपछि केही बिरामीलाई अस्पताल बाहिरै उपचार गराउन थालिएको हो ।
सक्रमितको सख्या लाई मध्य नजर गदै प्रदेश सरकारले थप ५० बेडको अक्सिजन सहितको आइसोलेसन वार्ड सञ्चालनको तयारी थालेको छ ।प्रदेश सरकार अन्तर्गतको सामाजिक विकास मन्त्रालयले धनगढीको कोरोना अस्पताल छेउमै अक्सिजन सहितको आइसोलेसन वार्ड सञ्चालनको लागि काम थालेको हो ।
धनगढी स्थित हाल सञ्चालनमा रहेको कोरोना अस्पताल नजिकैको शुभम् आवास गृहको हलमा थप ५० बेडको अक्सिजन सहितको आइसोलेसन वार्ड सञ्चालनको कार्य भइरहेको सामाजिक विकास मन्त्रालयका प्रवक्ता नरेन्द्र कार्कीले जानकारी दिए ।