बैशाख २७ गते हुने विशेष अधिवेशनको लागि सांसदहरुको कोरोना परीक्षण सुरु गरिएको छ । संसद सचिवालयका अनुसार आज सभामुखसहित सबै सांसदहरुको कोरोना पिसिआर परीक्षण गरिने छ।
सभामुख, राष्ट्रियसभा अध्यक्ष र उपाध्यक्ष, प्रतिनिधिभा र राष्ट्रियसभाका सम्पूर्ण सदस्य, महासचिव, सचिव, कार्यव्यवस्था परामर्श शाखा र सांसद व्यवस्थापन शाखासहित संसद् सचिवालयका सम्पूर्ण कर्मचारीको पहिलो दिन परीक्षण हुने छ ।
अन्तर्राष्ट्रिय सम्मेलन केन्द्रका कर्मचारी, मर्यादापालक, संसदीय मामिलासँग आबद्ध पत्रकार, स्वकीय सचिवालयका कर्मचारी, ट्राफिक, बम डिस्पोज र जाँच गर्ने सुरक्षाकर्मी र अन्य सम्बन्धित व्यक्तिको पीसीआर परीक्षण भोलि हुने छ । प्रतिनिधिसभाको विशेष अधिवेशन वैशाख २७ गतेलाई बोलाइएको छ । प्रमले संसदबाट बिश्वास को मत लिन लाग्दा सबैको पिसिआर परिक्षण गर्न लागिएको हो ।
तस्विरहरू