ट्रकको ठक्करबाट विराटनगरको बरगाछी चोकमा रहेको स्तम्भ भत्किएको छ । लायन्स क्लब अफ विराटनगरले बनाएको स्तम्भ आज साँझ अन्दाजी साढे ९ बजे ट्रकले ठक्कर दिँदा भत्किएको हो ।
विराटनगर बरगाछी चौक स्थित रहेको स्तम्भलाई उतर बाट दक्षिण तर्फ आउदै गरेको ना ७ ख १४३७ नम्बरको ट्रकले ठक्कर दिँदा भत्किएको प्रहरीले जनाएको छ ।
उर्लाबारी ६ का २८ वर्षीय पदम ढुंगानाले मापसे सेवन गरि चलाएको ट्रक नियन्त्रण गर्न नसक्दा दुर्घटना भएको प्रहरीले बताएको छ । सडक विस्तारका क्रममा बरगाछीमा रहेको रुख काटिएपछि लायन्स क्लबले उक्त स्तम्भ बनाएको थियो ।
दुर्घटनामा चालक ढुंगाना सामान्य घाइते भएका उनलाई प्रहरीले नियन्त्रणमा लिएको छ ।