बैतडीमा जिप दुर्घटना हुँदा मृत्यु हुनेको संख्या पाँच पुगेको छ । पोष्टमार्टमा लागि शब लिएर जिल्ला अस्पताल बैतडी आउदै गरेको जिप जिल्लाको पञ्चेश्वर गाउँपालिका वडा नं ६ को गणमेश्वरमा दुर्घटना हुँदा चालक सहित ५ जनाको मृत्यु भएको जिल्ला प्रहरी कार्यालय बैतडीका प्रहरी प्रवक्ता दर्शन खडकाले जानकारी दिए ।
उनका अनुसार मृत्यु हुनेमा पञ्चेश्वर गाउँपालिका वडा नं ६ का ५० बर्षीय जीतसिंह भण्डारी, डम्मरसिंह भण्डारी, हिम्मत भण्डारी, दीपक भण्डारी र जिप चालक तेज बहादुर बोहरा रहेको जनाएको छ ।
बोहराको उपचारको लागि अस्पताल ल्याउँदै गर्दा मुत्यु भएको हो।बाँकी ५ जनालाई उपचारका लागि जिल्ला अस्पताल पठाइएको प्रहरी निरीक्षक खडकाले बताए । से १ ज १८३ नं को जिप मंगलबार दिउसो दुर्घटनामा परेको हो ।
सोमबार चट्याङ लागेर मृत्यु भएका पञ्चेश्वर गाउँपालिका वडा नं ६ का वडा सदस्य गोविन्दसिंह भण्डारीको मृत्यु भएको थियो ।